ኮቪድ-19 ክትባት አዘውትረው የሚጠየቁ ጥያቄዎች

ጥር 25 ቀን 2021 የተዘመነ

የሚቀጥሉት ቅድሚያ የሚሰጣቸው ቡድኖች መቼ ይከተባሉ?

በደረሱን ወቅታዊ የክትባት ደረጃዎች ላይ በመመስረት በሚቀጥሉት 7 እና 10 ቀናት ውስጥ ወደ ደረጃ 1ሀ ፣ እርከን 3 እንሸጋገራለን ብለን እንጠብቃለን ፡በየካቲት 2021 ደረጃ 1ለ እንደምንደርስ እንገምታለን፡፡ የደረጃዎቹ መሻሻል የሚወሰነው ከሜሪላንድ ግዛት እና ከፌዴራል መንግስት በሚደርሰን የክትባት ስርጭት መጠን ነው ፡፡

የሚቀጥሉት ቅድሚያ የሚሰጣቸውን ቡድኖች የመከተብ ጊዜ የሚወሰነው የመጀመሪያው ቡድን መቼ እንደሚጠናቀቅ ስናውቅ ነው ፡፡ ደረጃ 1A ን ለማጠናቀቅ ብዙ ተጨማሪ ሳምንታት እንደሚያስፈልገን እንገምታለን። አሁን ቅድሚያ የሚሰጠው ቡድን ከተከተበ በኋላ ወደ ሚቀጥሉት ቡድኖች እንሸጋገራለን ፡፡

ክትባቶች በቀጠሮ ብቻ ይስተናገዳሉ ፡፡ ወደ ቀጣዩ ቅድሚያ የሚሰጣቸዉ ቡድኖች ስንሄድ የቀጠሮውን ስርዓት አገናኝ እናስቀምጣለን ፡፡

ይህንን መረጃ በዚህ ድረ ገጽ ፣ በእኛ ክትባት አዘምን ኢሜሎች ， ጽሑፎች፣ በማኅበራዊ ሚዲያ ሰርጦቻችን እና በአካባቢያዊ የዜና አውታሮች አማካይነት እናወጣለን ፡፡ እንዲሁም የኤሌክትሮኒክስ በራሪ ወረቀቶች (እንደ የካውንቲ ዋና ሥራ አስፈፃሚ ሳምንታዊ ዜና መጽሔት አገናኝ እና የምክር ቤት አባላት ጋዜጣዎች አገናኝ ) እንጠቀማለን ፡፡

እኛ የሲዲሲ እና የሜሪላንድ የጤና መምሪያ መመሪያን እየተከተልን ነው ፡፡

ደረጃ 1C የሚያካትታቸው ለኮቪድ፟፟፟፟ -19 ከባድ እና ለሕይወት አስጊ ለሆኑ ችግሮች የመጋለጥና ለህይወት አስጊ የሆኑ ውስብስብ ችግሮችን የሚጨምሩ የሕክምና ሁኔታዎች ያሉባቸውን ግለሰቦች ያጠቃልላል ፡፡ መሰረታዊ የህክምና ሁኔታዎች የሚካተቱበት ተጨማሪ መመሪያ ከሲ.ዲ.ሲ. እንጠብቃለን፡፡

እስከ 2021 መጨረሻ ድረስ ክትባቶች በስፋት አይገኙም ፡፡ ውሎ አድሮ ክትባት የሚፈልግ ሁሉ ሚፈልጉ ሁሉ ክትባቱን ማግኘት ይችላሉ ፡፡

የክትባት ቀጠሮ እንዴት እንደሚያዝ (በአሁኑ ጊዜ የክትባት ቀጠሮ ለአብዛኛው ህዝብ አይገኝም)

ክትባት ለመቀበል ብቁ እንደሆኑ መልዕክት ሲደደርስዎት ክትባቱ ይሰጥዎታል

• ቀጠሮዎን ለመያያዝ የኦንላይ አገናኝ እና
• ክሊኒኮች የሚገኙበት ቦታ እና ሰዓት ዝርዝር።

የበይነመረብ አገልግሎት ከሌለዎት በመደወል ቀጠሮ ለመያዝ የሚረዳዎን የስልክ ቁጥር እንሰጥዎታለን ፡፡

የሁለተኛዉ የክትባት ጊዜዎ ሲደርስ ማስታወሻ እና የቀጠሮ መረጃ እንልክልዎታለን ፡፡

የክትባት ቦታዎች

በአሁኑ ጊዜ የካውንቲ ክሊኒክ ቦታዎችን እየተጠቀምን ነው ፡፡

የመዝናኛ ማዕከሎችን ጨምሮ በተለያዩ የካውንቲው ክፍሎች የሚገኙ ቦታዎችን ለማግኘት እየሰራን ነው ፡፡

ክትባት ለመቀበል ብቁ እንደሆኑ መልዕክት ሲደደርስዎት ክትባቱ ይሰጥዎታል

• ቀጠሮዎን ለመያያዝ የኦንላይ አገናኝ እና
• ክሊኒኮች የሚገኙበት ቦታ እና ሰዓት ዝርዝር።

ምን ያህል ክትባት እንደሚገኝ ላይ በመመርኮዝ የግል ሐኪሞች ለታካሚዎቻቸው ክትባቱን ለመስጠት በቅርቡ መጠየቅ ይችላሉ ፡፡ ፋርማሲዎች እንዲሁ የራሳቸውን የክትባት አቅርቦት ለመጠየቅ ይችላሉ ፡፡

ክትባቱ እንዴት ነው የሚሰራው?

የምንቀበላቸው የ ኮቪድ-19 ክትባቶች ኤምአርኤንኤ ክትባቶች ናቸው። የደከመ ወይም የማይሰራ ጀርም ወደ ሰውነታችን በመክተት የመከላከል አቅምን ከሚፈጥሩ ብዙ ክትባቶች በተለየ መልኩ፣ ኤምአርኤንኤ ክትባቶች የሚያደርጉት ህዋሶቻችንን የመከላከል አቅም የሚፈጥርን ፕሮቲን ወይም የፕሮቲን ቁራጭ እንዴት ማምረት እንደሚችሉ ነው። ክትባቱ የመከላከል አቅምን ሲፈጥር፣ ሰውነቶቻችን አንቲቦዲዎችን(ፀረ እንግዳ አካላት) በመፍጠር በእውነተኛው ቫይረስ ስንጋለጥ በበሽታው ከመበከል ይጠብቁናል።

ለአብዛኛው ኮቪድ-19 ክትባቶች፣ ክትባቱ ሁለት ጊዜ መውሰድ ይጠይቃል። የኦንላይን አገልግሎት የሆነው ፕሬንሞድን በመጠቀም ቀጠሮዎችን ማስያዝ እና ሰዎች ሁለተኛውን የክትባት መውሰጃ መቼ እንደሆነ ማስታወሻዎችን ለመላክ ጭምር እንጠቀምበታለን።

ተጨማሪ መረጃዎች

• ስለ ኤምአርኤንኤ ክትባቶች በሲዲሲ(በበሽታዎች ቁጥጥር እና መከላከያ ማዕከል) ኮሮናቫይረስ በሽታ ድረገጽ ላይ የበለጠ ይማሩ

የኮቪድ-19 ክትባትን ሁሉም ማግኘት አለበትን?

አዎ። ኮቪድ-19 የሚያጠቃቸው ላይ ያለው ጫና ይለያያል፣ ከአነስተኛ ራስ ምታት እስከ የከፋ በሽታ እንዲሁም ሞት። መከተብ እርስዎን ሲጠብቅ፣ እንዲሁም በዙሪያዎ ያሉ ሰዎችን ከ ኮቪድ-19 በከባድ ህመም ተጋላጭ የሆኑ ሰዎችንም በተጨማሪ ለመጠበቅ ይረዳል። ምንም እንኳን በ ኮቪድ-19 መያዝ የተወሰነ የተፈጥሮ መከላከል ሊሰጥ ቢችልም፣ ይህ መከላከል ለምን ያህል ጊዜ ሊቆይ እንደሚችል እስካሁን አይታወቅም።

የክትባቱን የቅድሚያ ስርጭት ማን ይወስናል?

ሲዲሲ ስለ ክትባቱ አግባብ ያለው ምደባ እና ስርጭት ውሳኔዎችን ያደርጋል፤ ይህም ከመከላከል አቅም አሰራር ልምዶች አማካሪ ኮሚቴ (ኤሲአይፒ) እና የብሄራዊ የሳይንስ፣ የምህንድስና፣ እና መድሃኒት አካዳሚዎች በሚገኝ አስተያየት ላይ ይሆናል። ምንም እንኳን የስቴት እና የአካባቢ አደረጃጀቶች የስርጭቱን እቅድ ለመተግበር ወሳኝ ሚና የሚጫወቱ ቢሆንም፣ ማን በየትኛው የቅድሚያ ቡድኖች ውስጥ እንደሚሆን መቆጣጠር አይችሉም።

ተጨማሪ መረጃዎች

• የኤሲአይፒ መመሪያ እቋሞች እንዴት ለመጀመሪያው የ ኮቪድ-10 ክትባት ምደባ ስነ ምግባራዊ ምክረ ሃሳቦችን እንደሚፈጥሩ ዝርዝር ሪፓርት በዚህ ይገኛል።
• ለ ኮቪድ-19 ክትባት ሚዛናዊ ምደባ አመሰራረት (ፒዲኤፍ)፣ ብሄራዊ የሳይንስ፣ የምህንድስና፣ እና የመድሃኒት አካዳሚዎች

የኮቪድ-19 ክትባት ምን ያህል ወጪ አለው?

ለ ኮቪድ-19 ክትባት ምንም ወጪ የለውም። ሜዲኬር፣ ሜዲኬይድ፣ እና ባብዛኛው የግል መድህን ዋስትና የክትባቱን ወጪ ይሸፍናሉ። ሞንትጎመሪ ካውንቲ መድህን ዋስትና ለሌለው ማንኛውም ሰው ወጪውን ይሸፍናል።

ካውንቲው የክትባቱን ፍትሓዊ ስርጭት ለማረጋገጥ በአሁኑ ወቅት የክትባት ክሊኒኮችን እያቀደ ነው።

በካውንቲው እና በሌሎች አጋሮች የሚቀርበውን የክትባት አማራጮች ላይ ያለውን ተጨማሪ መረጃ ወደ ሚቀጥለው የስርጭት ደረጃዎች ስንገባ በስፋት የምናካፍለው ይሆናል።

ከክትባቱ ኮቪድ-19 ሊይዘኝ ይችላልን?

የ ኮቪድ-19 ክትባቶች እርስዎን ለኮቪድ-19 በሽታዎች ሊያጋልጡዎ አይችሉም። በአሁኑ ወቅት ከምግብ እና መድሃኒት አስተዳደር (ኤፍዲኤ) ፍቃድ እየጠበቁ ያሉ ክትባቶች የኤምአርኤንኤ ክትባቶች ሲሆኑ፣ የ ኮቪድ-19 የሚያመጣውን ቫይረስ አይጠቀሙም።

የ ኮቪድ-19 ኤምአርኤንኤ ክትባቶች ለህዋሳቶቻችን የሚሰጡት መመሪያ “ስፓይክ ፕሮቲን” የተባለ ጉዳት የሌለው ቁራጭን እንዲያመርት ነው። ስፓይክ ፕሮቲን የሚገኘው ኮቪድ-19ን በሚያመጣው ቫይረስ የላይ ቅርፊት ላይ ነው። የመከላከያ ሲስተማችን ይህ ፕሮቲን በስፍራው መሆን እንደሌለበት በመገንዘብ የመከላከያ ምላሽ መፍጠር በመጀመር አንቲቦዲዎችን ይፈጥራል፤ ይህም ልክ በ ኮቪድ-19 የተፈጥሮ መጠቃት እንዳለው ወቅት የሚፈጠር ነው።

የኮቪድ-19 ደህንነቱ የተጠበቀ እንደሆነ እንዴት እናውቃለን?

የ ኮቪድ-19 ክትባቶች በዩናይትድ ስቴተስ ውስጥ እንዳሉ ሁሉም ሌሎች ክትባቶች ላለ ጥብቅ የደህንነት እና የውጤታማነት ደረጃዎች ያሙዋሉ ናቸው። በወረርሽኙ የተነሳ፣ የክትባቱ ምርመራዎች እና ምርቶች በተመሳሳይ ወቅት ቢደረጉም፣ የትኞቹም የደህንነት ደረጃዎች አልተዘለሉም።

ክትባቶች የሚፈቀዱት በኤፍዲኤ የተደነገጉ ጥልቅ የምርመራ እና የውጤታማነት ደረጃዎችን ካሙዋሉ ብቻ ነው። በዩናይትድ ስቴትስ ኤፍዲኤ ጥቅም ላይ የሚያውላቸው (በፈቃድ ወይም በድንገተኛ የመጠቀም ፈቃድ) የኮቪድ-19 ክትባቶች እነዚህን ደረጃዎች የሚያሟሉትን ብቻ ነው።

ተጨማሪ መረጃዎች

• “የኤምአርኤንኤ ኮቪድ-19 ክትባቶችን መረዳት”፣ ሲዲሲ
• የክትባት ምርምር እና መጎልበት የተለመዱ የጊዜ ሰሌዳዎች, ጆንስ ሆፕኪንስ ዩኒቨርሲቲ ኮሮና ቫይረስ መረጃ ማእከል

ክትባቱ ወረርሽኙን ያቆማል?

የ ኮቪድ-19 ን ደህንነቱ በጠበቀ እና ውጤታማ በሆነ መልኩ የሚከላከል ክትባት የመፈጠሩ ዜና ወረርሽኙን ለመዋጋት ትልቅ ግኝት ነው። ሆኖም፣ ክትባቱ ብቻውን ወረርሽኙን ወዲያውኑ አያስቆምም።

የክትባቱ መመረት እና መሰራጨት ጊዜ የሚወስድ በመሆኑ፣ ከ ኮቪድ-19 ጋር እስከ 2021 መሃል ድረስ መኖራችንን እንቀጥላለን።

ምክኒያታዊ የጥንቃቄ ድርጊቶች እንደ ጭምብል መልበስ፣ አካላዊ መራራቅ፣ አዘውትሮ እጅ መታጠብ፣ እና ትልቅ መሰባሰቦችን አለማድረግ የክትባቱ በስፋት መገኘቱን እየጠበቅን ሳለ የሚያስፈልጉ ድርጊቶች ናቸው።

ስለ ሜሪላንድ ኮቪድ-19 ክትባት እቅድ የት የበለጠ መማር እችላለሁ?

ስለ ሜሪላንድ ኮቪድ-19 ክትባት እቅድ ያሉ ጥያቄዎች ዝርዝር መልሶችን ለማግኘት, የ ኮቪድ ሊንክ ድረገጽ አዘውትረው የሚጠየቁ ጥያቄዎች ክፍልን ይመልከቱ.

መረጃዎች

• Who will get a COVID-19 Vaccine in the United States?, Johns Hopkins Coronavirus Resource Center
• Understanding mRNA COVID-19 Vaccines, Centers for Disease Control and Prevention
• How CDC Is Making COVID-19 Vaccine Recommendations, Centers for Disease Control and Prevention
• The Advisory Committee on Immunization Practices’ Ethical Principles for Allocating Initial Supplies of COVID-19 Vaccine — United States, 2020
• Framework for Equtable Allocation of COVID-19 Vaccine (PDF), National Academies of Sciences, Engineering, and Medicine
• FAQs about the Maryland COVID-19 Vaccination Plan and COVID-19 Vaccination, COVIDLink, Maryland Department of Health